Fredericus etc. venerabilibus in Christo patribus sacrosancte Romane
ecclesie cardinalibus etc.
Conscientiam vestram, si salvo pudore iusticie diligenter exquiritur,
latere non credimus, qualiter hactenus ad honorem Dei et sacrosancte
Romane ecclesie matris nostre – cuius velut christiane legis et orthodoxe
fidei zelatores devotum fatemur nos filium et specialem recognoscimus
defensorem, cuius etiam sacra misteria catholice colimus et tota cordis
ac corporis reverentia veneramur – grandis humilitatis et plene subiectionis
signa monstravimus, ut istam inter nos et summum pontificem
patrem nostrum dissentionis horrende materiam, quam non sine dedecore
partium et universali discrimine populorum vulgus, pro pudor, ludibriose
iam loquitur, sedare possemus. Nec adhuc coram vobis, qui positi
tanquam luminaria supra montem lucetis in gentibus et velut cardines
fidei regitis domum Dei, referre nos devote satisfactionis pudet insignia,
que, salvis honoribus, iuribus et dignitatibus nostris nostrorumque fidelium
tam in imperio quam in regnis nostris, fuimus eidem domino patri
|
|