IV. [Astrunis] - Dentibus Astrunis prodest, quos reuma relaxat.
Hec reddit ad solitum, si cadat uua, locum
Faucibus apta satis Brancos ex reumate passis,
Et lesis oculis hec aqua prestat opem.
Pulmonem recreat quem tussis causa fatigat.
Inflammat corpus cui dominatur aqua.
Incitat os dapibus; stomachi fastidia tollit;
Aufert in miltis reumatis omne malum.
Pigriciam tollit membrorum pectora lenit.
Vocis ad obsequium gutturis aptat iter.
Sepius unde solet multis occasio nasci,
Ne fluat a summo uertice, flegma vetat.
|
1
5
10
|