victoria, et Christus post cenam tradidit seipsum, quantum ad
carnem, in potestatem peccatorum, et ante lucem resurrexit triumphans
mirabiliter de inimicis. Non ergo videatur absurdum quod
caro dominica per feminam designata est, quia pro simili causa
misterii, per vaccam rufam in lege designata est. Icirco autem,
non ipsum Nabuchodonosor, sed principem exercitus sui, Iudith
sancta percussit, quia in eo tempore, quod significat dies ille in
quo passus est Christus, et rex ille undecimus percuciendus est,
qui princeps est patris mendatii, ipse autem pater mendatii destruetur
in fine. Hester vero regina Ecclesiam significat
contemplantium, pertinentem ad ascensionem domini et ad evangelium
Johannis, cuius felicitas magna est. Si quis ergo sane
intelligit harum ystoriarum virtutem, videbit quod tunc in Ecclesia
legi et exponi ceperunt, quando secundum ipsas apostoli, evangeliste,
doctores et contemplatores, propter quatuor insignes virtutes,
predicare populis missi sunt. Surrexerunt ergo de gentibus,
qui cantarent responsoria,. quatuor ordines similis supra scriptis,
hoc est, doctores, qui responderent Paulo et Barnabe, martires
evangelizantes Christum, qui responderent Stephano et ceteris diaconibus
primis, episcopi, qui responderent Petro et Andree et
ceteris apostolis passis pro Christo, heremite et virgines, qui responderent
Johanni et matri Domini et reliquis contemplatoribus
primis. Quare autem isti pre ceteris cantaverunt Gloriam, nisi
sicut Johannes plenius fidem Trinitatis describit, ita et quod viri
spiritales et contemplativi intellexerunt de fide sancte et individue
Trinitatis, alii, et si credere tamen intelligere nequiverunt, et icirco
illi referunt Trinitati gloriam, qui intelligunt, quam equalis sit
gloria Patris et Filii et Spiritus sancti. Quia enim totidem responsoria
singula respondentia singulis istorum fides et opera sanctis
evangelistis data sunt, quorum quidem tria de Patre et Filio
et Spiritu sancto, secundum quod semper erant et sunt in gloria
deitatis equales aut pares, omnino resonant aut omni modo silent,
in quarto autem evangelio quod scribit Johannes, ab ipso principio,
de gloria Patris et Filii plena et luce clarior descriptio facta
|
|