compta aut mediocri amictu securior ad te
isset: nichil dulcius, penetrabilius nichil. Age
age tuis modulationibus orbem excita, et quod
malignum non capit uulgus, legio deuota suscipiet.
Ceterum conciuis et amicus noster e cuius
manibus literam accepi tuam multa mecum de
statu tuo, que uarie me egerunt. Sis felix et
uoti compos ut opto. Nec literas quas promittis
michi preripiat regnorum strepitus, aut temporis
caritudo. Dieculam michi e tumultu
occupationum decerpe, qua me aliosque conciues
tuos, reuerenti te animo celebrantes, hac
tua loquendi cynnamea suauitate refoueas,
mearum grande decus columenque rerum.
Scis quid actum sit de famula quam
sperabam rei tue gubernationi dispositam;
quotquot habui argumenta diffudi, ut michi
abscultaret, et ad te progrederetur: per deos
inuictissimos adiurat illa se liberam esse uelle,
nec amplius eo famulatu alicui umquam obsequi,
quin per se tela et colo contenta uictum
querere; sic illa uitam instituit, et addit si