: Historia de preliis Alexandri Magni (rec. I 3)

Pag 323


Qualiter Alexander uenit in partes, ubi regina Candacis
dominabatur
Exinde motis castris cepit per planiciem transire, nec per
tramites illos, unde uenerat, sed per septemtrionale latus, ex
qua parte cicius in Macedoniam poterat fieri aduentus, 107. et
uenit in terram, que dicitur Prosayca. Et ibi castrametatus est.
Homines autem illius terre audientes aduentum Alexandri sibi
enxenia plurima protulerunt, uidelicet pelles ex piscibus habentes
figuram pardi et leonis et multarum ferarum, per longum sex
cubitis tendebantur. Eratque in illis partibus ciuitas in monte
ex preciosis lapidibus sine calce constructa, in qua primatum
quedam mulier uidua obtinebat, que Candacis nominabatur.
Habebatque tres filios: primus uocabatur Candeolus, secundus
Marispus, tercius Caratus. Statimque Alexander direxit ei epistulam
ita continentem etc.:
Littera Alexandri missa regine Candaci
"Rex regum et dominus dominancium Alexander, filius dei
Annonis et Olympiadis regine, Candaci regine gaudium etc. Ecce
templum et statuam uobis ex auro purissimo destinamus. Venite
ergo ad montes, ut deo Annoni sacrificia offeratis." Cum autem
Candacis regina audiuisset epistulam, statim direxit suos nuncios
Alexandro deferentes enxenia et tributum et epistulam talem etc.:
Responsio regine Candacis missa Alexandro
Alexandro, regi regum, Candacis, regina Merorum, obedienciam.
Scimus, quod a deo tibi extitit reuelatum, ut expugnares
Egyptum, Persidam et Indiam et uniuersas gentes alias subiugares,
et que gessisti, non solum ab Annone, sed eciam ab aliis
diis tibi extitit indicatum. Nobis autem non est opus ad sacrificandum
deo Annoni in montibus proficisci. Sed quia uolens
maiestati tue obuiare, dirigo deo tuo Annoni coronam, auream ex
lapidibus ornatam. Vobis autem dirigimus bipedes centum, aues
Syricas ducentas, cathenas decem insertas lapidibus preciosis,
in quibus sunt decem sculpture dependentes plene auibus supradictis,
cantras aureas uiginti, uectes et habenas mille quinque
centum et ethyopum infantulos centum, symias ducentas, elephantes
quadrigentos, rinocerontes lxxx, pantheres tria milia,
pelles pardi et leonum quadrigentas. Rogamus itaque celsitudinem
uestram, ut, si totum mundum subiugastis, nobis uestris
litteris intimetis etc.

1



5




10




15




20




25




30




35



Torna all'inizio