initio confitetur, ex matre alteram in finem saeculi protestatur.
Tertiam uero quam tu initiatam in baptismo adfirmas, ecclesiasticae
regulae modis omnibus refutat censura. Nam cum astrues has
geminas generationes, primam ex uirgine, secundam in baptismo
initiatam, oblitus praeterea illius conuinceris inenarrabilius gloriosae
ex paterno ante luciferum utero natiuitatis. Duas quin etiam
praeter illam introducere generationes gestiens ore despumas toxifluo.
Ex uirginis quippe unam mirabili partu, alteram uero ex
lauacri asseris sacramento. In eo ergo mendacii laqueo non te
refugis strangulare, quoniam idcirco tertiam moliris adfirmare, ut
eguisse eum fingas regenerari per baptismum, quasi originaliter
filium irae, qui non de spiritu sancto sicut Christus et conceptus
et natus est, sed in iniquitate de semine uiciatae conceptus extat
naturae. Ex eo quapropter patenter clanculae perfidiae tuae flexuosis
obuolutae sinibus manifestius insidiae propalantur, quoniam
ideo hominem Christum Iesum adoptiuum filium sensu frustratus
putas uanifluo, tamquam oportuerit eum denuo nasci et ex materno
et ex fontis utero sicut ceteros homines, qui in remissionem
baptizantur peccatorum, qui etiamsi proprio non sint obnoxii
scelere sicut paruuli, propter originalia autem crimina, quae de
massa traducuntur perditionis. Nisi quis renatus fuerit ex aqua
et spiritu sancto, iuxta dominicae praedicationis sententiam, non intrabit
in regnum caelorum. Cum illi non dixerit Nichodemo,
Oporet nos nasci denuo, sed exceptauit semetipsum, cui non oporetuerat
denuo, nasci, ita: oportet inquit uos nasci denuo. Nam quemadmodum
non sibi nec pro se sed pro nobis natus, passus,
mortuus ueraciter creditur ac sepultus, ita nec sibi uel pro se sed
pro nobis baptismi dedicare dignatus est sacramentum. Nisi enim
illi placuisset iordannica suo baptismate sanctificare fluenta, aquarum
natura nullam umquam regenerandi habere potuisset uirtutem.
Vnde et Iohannes cum se peteret primum ab eo baptizari
dicens: Ego a te debeo baptizari, et tu uenis ad me? ilico a domino
audiuit: Sine modo; sic enim nos decet adimplere omnem iustitiam.
Iohannes igitur suo baptismate non potuit sanctificare aquarum
|
|