terra, et templa sanctorum polluent. Et erunt in populo fornicationes et immunditie et
Sodomiticum scelus, ita ut visio ipsorum in contumelia eius appareat. Et erunt homines
raptores, contumeliosi, odientes iustitiam et amantes falsitatem, et iudices Romani
immutabuntur. Si hodie ad iudicandum admittuntur, alio die mutabuntur propter pecuniam
accipiendam, et non iudicabunt rectum, set falsum. Et erunt in illis diebus homines
rapaces, cupidi et periuri et amantes falsitatem, et destruetur lex et veritas, et fiet
terre motus per loca diversa; et insularum civitates et regiones dimergentur. Et erunt
per loca pestilentie hominum, et terra ab inimicis desolabitur; et non prevalebit consolari
eos vanitas deorum. Postea exsurget rex per H nomine. Et erunt sub illo bella, et 12 annis regnabit. Et post hunc surget rex per F nomine, et veniens obtinebit, et
regnabit longo tempore, et veniet Romam, et captivabit eam, et non mortificabitur anima
eius in manu inimicorum ullis diebus vite sue. Set erit bonus et magnus, et gentem
christianam magnificabit, et ipse vivet multo tempore. Post hec vero surget alius rex
per H nomine; et de ipso H procedent duodecim H, et erit de genere Longobardorum
et Teutonicorum; et regnabit per annos centum. Tunc post eum exsurget rex H
nomine, Salicus de Francia. Tunc initium dolorum erit, qualis non fuit ab initio seculi.
Et erunt in diebus ipsius multe pugne et tribulationes multorum et sanguinis effusio et
terre motus per civitates et regiones, et terre multe captivabuntur, et non erit qui inimicis
resistat, quia Dominus iratus erit in terra. Roma in persecutione et gladio expugnabitur,
et erit deprehensa in manu ipsius regis. Et erunt homines rapaces, cupidi, tiranni,
odientes pauperes, opprimentes insontes et salvantes noxios. Eruntque iniusti et nequissimi,
et dominatores exterminii captivabuntur; et non est in terra, qui pro eis resistat et
eruat eos, propter malitias eorum et cupiditates. Et tunc exsurget rex nomine et
animo Constans; et ille idem Constans erit rex Romanorum et Grecorum. Hic statu
grandis, aspectu decorus, vultu splendidus, atque per singula membrorum lineamenta
decenter compositus, et ipsius regnum 122 annis terminabitur. In illis ergo diebus erunt
divitie magne, et terra habundanter dabit fructum suum, ita ut tritici modium denario
uno venundetur, modium vini denario uno, modium olei denario uno. Et ipse rex
scripturam habebit ante oculos dicentem: Rex Romanorum omne sibi vindicat regnum
christianorum. Omnes ergo insulas et civitates paganorum devastabit, et universa ydolorum
tenpla destruet, et omnes paganos ad baptismum convocabit, et per omnia tenpla
crux Christi Iesu erigetur. Tunc namque preveniet Egiptus Ethyopiam manus dare Deo.
Qui vero crucem Iesu Christi non adoraverint, gladio punientur. Et cum completi fuerint
122 anni, Iudei convertentur ad Dominum, et erit ab omnibus sepulchrum eius gloriosum.
In diebus illis salvabitur Israel, et habitabit confidenter. In illo tempore surget princeps
iniquitatis de tribu Dan, qui vocabitur Antichristus. Hic erit filius perditionis, caput
superbie, magister erroris, plenitudo malitie, qui subvertet orbem, et faciet prodigia et
signa magna per falsas simulationes; deludet autem per artem magicam multos, ita ut
ignis de celo descendere videatur. Et minuentur anni sicut menses, et menses sicut
septimana, et septimana sicut dies, et dies sicut hora. Et exsurgent ab aquilone
|
|