[9] Item ordinaverunt magistri, quod quicumque scolaris remaneret
in hospitio repetitorum, qui audiret lectiones et declinationes / in hospitio,
in suo redditu teneatur solvere tamquam euntes ad scolas.
[10] Item ordinaverunt, quod Bonavere possit generaliter recipere a
quolibet scolare existente in gramatica duos denarios et a quolibet /
repetitore sex denarios.
[11] Item teneantur magistri non accipere nec facere accipi hospitium
alicui magistro vel repetitori VIII diebus post terminum suum, et qui contra /
hoc fecerit, solvat illi cui hoe fecerit V solidos. Salvo ...
CONFIRMATIO PREDICTORUM STATUTORUM
Confirmata fuerunt predicta statuta et ordinamenta per dominum
Iohannem iudicem et assessorem domini Borri de Borris potestatis Aretii /
XIII die exeunte februario, in palatio comunis Aretii, silicet potestatis,
sedente dicto iudice pro tribunali, presentibus magistro Tebaldo fisico,
magistro / Orlando gramatico, presbitero Rainerio capellano Episcopatus
veteris, domino Piero olim Bonacursi, et Bonavere notario et
bedello / scolarium, mandantem mihi quod sua auctoritate predicta
capitula et statuta publicem et in publicam formam redigam.
[Sn.] Ego Petrus olim Sopornelli notarius supradictis interfui, et
quod supra legitur rogatus scripsi et publicavi.
|
|