Regium, qui ibat ultra mare. Et eodem die fecit dominum
Iacobinum de Rodilia militem in domo fratrum Minorum. Qui
dominus Iacobinus tenuit magnam curiam in Kalendis Maii; et
omnes milites quasi et omnes donçelli civitatis Regii induerunt
se de novo et donaverunt ipsas robas.
Et eodem anno, die Iovis quinto exeunte Iunio, obiit dominus
Bonifacius de Foliano, archidiaconus Regine ecclesie, qui fuit
litteratus homo et frater germanus domini Guillielmi Regini episcopi,
et fuit similiter archipresbiter plebis de Campigiolo. Obiit
autem ad Sanctum Salvatorem, ubi morabatur, et fuit sepultus
ad maiorem ecclesiam. Eodem anno in mense Augusti fuerunt
derupate fortilitie et castra et domus illorum partis de Sesso
de episcopatu Regii. Et in mense Septembris fuerunt licenciati
illi de Sesso et XXIIII eorum amici de episcopatu Regino ultra
civitatem Bononie et Terdonam et Veronam. Et eodem anno
in mense Septembris fuit mortuus dominus Arverius, frater domini
Bonacursi de Palude, cum duobus fiiis suis et cum multis aliis,
a domino Iacobino de Palude; qui dominus Iacobinus de Palude
diversis vicibus multos de casali suo occidit, scilicet patrem generi,
dominum Albertum Karum, et generum Çanonum nomine et
filium proprie filie parvulum et adhuc lactentem, quem allidit ad
terram, et dominum Arverium, qui erat germanus consanguineus
suus, cum duobus filiis suis, et alium quemdam similiter de suo
casali.
Item millesimo supraposito, scilicet MCCLXX, nullus erat
papa nec aliquis imperator.
Quod rex Francie sanctus Lodoycus transfretavit secundo et ivit Tunicium,
ibique ultimum diem clausit.
Quo anno rex Francie Lodoycus christianissimus, non territus
laboribus et expensis quas olim fecerat ultra mare, iterato,
cum filiis duobus, adiuncto sibi rege Navarre, et quam plurimis
ecclesiarum prelatis et baronibus, pro recuperatione Terre Sancte
iter assumpsit. Verum ad hoc, ut facilius Terra Sancta recuperaretur,
|
|