talem excommmicatum publice nunciavi iuxta vestrarum continenciam litterarum.
Et sic distincte rescribi debet in omnibus que
mandantur.
d. Qualiter scribatur quando aliquis contumax
reputatur.
Quia R de tali loco, citatus peremptorie, ut tali die coram
prefato domino archyepiscopo conpareret per se vel
responsalem ydoneum, P de tali loco de iusticia responsurus,
contumaciter conparere neglexit, ideo dictus dominus
archyepiscopus ipsum R contumacem reputavit, pronuncians
contra ipsum esse tamquam contumacem in hiis que iuris
ordo postulat procedendum.
e.
Accusata contumacia, et reo contumace per iudicem
reputato, et pronunciato contra ipsum, ut premissum est,
sequitur ut contra ipsum reum actore petente exconmunicacionis
sentencia promulgetur.
A . Sentencia exconmunicacionis.
Frater I permissione divina etc. dilecto in Christo
filio . . salutem et sinceram in domino karitatem.
Cum R de tali loco legittime ac peremptorie citari
fecerimus, ut responsurus P de tali loco in causa quam
sibi movet vel movere intendit super tali re coram nobis
certo termino conpareret, et in ipso termino per
se vel alium contumaciter conparere despexerit, discrecioni
vestre presencium tenore conmittimus, et sub pena exconmunicacionis
districte precipiendo mandamus, quatenus
eundem R — quem ob dictam eius contumaciam per presentes
exconmunicamus in scriptis — tamdiu per vos vel
alium seu alios in ecclesia vestra et alibi vbi expedire
credideritis exconmunicatum publice nuncietis et nunciari
faciatis, quousque super hiis nostris et ecclesie
|
|