succedit binitas, quam sub unitatis amore trinitas levius fortassis et cautius
substinebat. Rursus vobis et mihi revera condoleo, qui eum, quasi
numero filiationis adiectus, patrem rebar ingenitus et, eum patrem honore
denominans, agebam sub speculo caritatis votum ad ipsum quodammodo
genitivi. Verum cum agatur sors hominum in incertum et pater ipse
laborum cesserit detrimentis, vos vobis queso sobria consolatione consulere
nec innovare lacrimis funera mortui, sed viventem in secula pro mortuo
gratiam exorare, Cui qui moriuntur et excidunt vivunt eternaliter et resurgunt.
Et cum moris sit mortuis vivos propinquitatis estimatione succedere
ac numerum casuum viventes interea suscitare, me, volo, vobis in fratrem
sumite ac locum vobiscum amodo tenere tertium estimate, ut una sit
vobis et mihi semper caritas, unus amor. Sed illud habeo ad vos in orationis
textura precipuum, ut cum non caro dumtaxat, sed perfectio debite
caritatis nomen fratrum, sub votorum compta temperie et unanimitatis
convenientia, in fratribus fateatur. In illam oro semper in omnibus dirigatis,
ex opere unionis, concordiam voluntates, in unum vitam, sicut olim,
ducendo domesticam et rem communem ut propriam observando, quod
ego fratris nomen a vobis proinde adoptare commonear, in quo vobis aliquando
forte poterit complacere. Ad quod vos, domine B., quem spiritus
agit cum etate maturior, affectu maxime deprecationis invito, ut sic maturitatis
ex vite regula placida in vobis eluceat habitudo, quod in me circa
vos opinionis obvie triangulum non inspectem. Volo namque ut tu, F., fratrem
tuum patrem existimans, tam cura omnium, quam honore ipsius,
sicut me umquam diligis, votum semper in omnibus et vivendi regulam
imiteris. Ad hec, cum una vobis suis honoranda meritis domina …, non
matrona remanserit, immo mater, utrumque deprecor, utrumque contestor
et obnixius interpello, quatenus illo sibi honoris nutu efficaciter deferatis,
illa apud vos gaudeat caritate, qua, patre utinam vestro superstite, letaretur,
cum id vobis vocem honoris adaugeat et amor id exigat patruelis. Ego
enim ipsam in matrem mihi habere propono dum fuero et filialem ad eam
gerere caritatem. Et cum nunc Romana vacet ecclesia, propter quod omnes
inutiliter, immo dampnose potius, in curia moram agunt, providi, si,
|
|