gremio in conspectu profudit, ut liquido appareret
illum longe se feliciorem extimaturum
dantem quam qui receperit; nec non Socratem
hunc nouum uirum fidelem ac secundum
cor tuum, quem tibi equus et simplex
animus longaque consuetudo conciliant. Ceterosque
horum similes quos enumerare etiam
si quota daretur, uirtutibus non daretur; unum
addens quod ego michi quam multis ignotis
notus sum causa tui.
Non procelloso neque scopuloso mari sed
non recto fateor enauigauit oratio. More morum
preceptoris elaudamus epystolam; non utique
ut Epycurum probem, aut insigni uerbo
sigillem; sed delectationum hic mearum summam
positurus sum. Iohannes Petrarca
michi assiduus: hinc colloquium harum rerum
que me oblectant; refert sepe michi inaudita
atque demonstrat singularia quedam. Hac sermonum
uice tempus teritur, et curiale tedium
supportatur. Sed forsan tacita mente requiris
quid in eo nepote excitet auunculus Hector.