Qua de re nobilitatem et excellenciam vestram brevis cedule sermone
deposco. Qualibet igitur prolixitate verborum postposita, magnitudinem
vestram precor quatenus, etc. Quocirca, si optimum fore concernitis,
nobilitatem vestram non tedeat declarare per ordinem, at absque
more dispendio, nobis cuncta.
4. De peticionibus que possunt competere inter civitates et castra
Nobilitatem itaque ac discrecionem vestram requirimus et rogamus
quatenus, etc. Rogamus equidem nobilem sapienciam vestram quatenus,
etc. Nobilitatem et amiciciam vestram precibus deprecamur humilibus.
Quapropter sapiencie vestre supplicamus, etc. Igitur probitatem
et discrecionem vestram precibus deprecantes attentis postulamus ex
gracia quatenus, etc.
5. De peticionibus inter consanguineos
Quocirca paternitati vestre inclinans humiliter supplico et exoro
quatenus, etc. Itaque filiacionem tuam moneo et exhortor. Cura igitur,
ut precamur attente, absque mora domum personaliter te transferre.
Supplico ergo, care pater, dominacioni vestre humiliter quatenus circa
mee vite subsidium succurrat. Itaque filio precor providenciam genitoris.
Qua de causa tuam fraternitatem exoro. Rogat itaque nepos
avunculos velut patres quatenus, etc. Hinc ergo uxor litteris concitare
maritum precibus deprecans subiectivis quatenus, etc. Rogat itaque
matertera neptem suam quatenus, etc. Supplicat igitur privignus vitrico
patri quatenus tam de bonis, etc.
6. De peticionibus inter amicos
Eapropter amiciciam vestram rogamus quatenus, etc. Quare dileccionem
vestram requirimus attente precantes quatenus, etc. Propterea
dileccionem et amiciciam tuam quanta possum affectione deposco quatenus,
etc. Ecce igitur per latorem presencium, quem sua grata merita
merito nobis coniunxere dilectum, vobis sub fiducia commendantes,
nobilem amiciciam vestram precamur quatenus in suis peragendis negociis
sic fideliter auxilium conferatis eidem quod in commendato appareat
quantum sit cara vobis dileccio commendantis. Vel sic: quod
pro servicio facto uni obligetis perpetuo vobis duos. Quocirca societatem
tuam duxi deprecandum intimis quatenus, etc. Qua de re caram
dileccionem tuam exoro. Ad hoc, si per me fieri gratuita vobis possunt,
amiciciam vestram precor quatenus, etc. Igitur, Preside faciente superno,
corporea sospitate letatus, dileccionem tuam exoro quatenus circa
que pariant tibi decus et commodum, in cunctis oportunitatibus me
requiras. Eapropter, cupiens michi tuis subvenire auxiliis, dileccionis
tue habui precordia concitare quatenus, etc. Qua de re, sub firmitate
|
|