[I]n nomine Sancte et individue Trinitatis. Anno Dominice
incarnacionis millesimo quinquagesimo nono, mense augusto iniciante,
indiccione duodecima currente, domno quoque venerabili,
ac beatissimo papa Nicolao secundo in sacrosanta Beati apostolorum
principis Petri Sede, anno primo pontificatus sui presidente.
Quoniam scimus humanas mentes concupiscibilis esse nature, nec
non obliviscibilis, nec ita tenacis memorie, ut non egeant recordacionem,
dignum duximus consulere concupiscibili, et prodesse
obliviscibili, quatenus et meta imponatur ambicioni, et locus prorsus
auferatur oblivioni, scriptis videlicet texendo hominum acta
vel dicta, ne quandoque aliter procedant, quam rei veritas dictat.
unde que acta sunt inter Iohannem venerabilem abbatem monasterii
Sancti Vincencii super Vulturni fluminis fontes siti, et Albertum
monachum, adque Rofredum quonda Rofredi comitis filium,
huic carte tradidimus, quia neutrum eorum a subiecte rei veritate
deviare volumus. igitur cum predictus domnus Nicolaus papa
apud Beneventum, extra ipsam civitatem, intra ecclesiam Beati
Petri iusta fluvium Sabbati synodum celebraret, et cum eo nonnulli
archiepiscoporum, episcoporum, abbatum, monachorum, et
tocius ecclesiastici ordinis, atque laycalis non parva multitudo
resideret: in primis domnus Humbertus, Bonifacius, Iohannes
cardinales episcopi; Desiderius abbas et presbiter, Hildeprandus
subdiaconus, item cardinales; Voadalricus Beneventanus, Petrus
|
|