< 6.2 DE GENERALI VERBI DECLINATIONE >
1 Nunc igitur dicendum est de earum personarum formatione in
singulis temporibus . 2 In prima igitur coniugatione, secunda persona
fit mutata o in as productam, ut "amo, amas"; in secunda, eo
in es productam et minuitur una sillaba, ut "doceo, doces"; in tercia
in io desinente, abstracta o et addita s et minuitur una sillaba,
ut "facio, facis"; in reliquis, o in is correptam, ut "lego, legis";
in quarta in eo uel io desinente, his litteris in is productam mutatis,
minuitur una sillaba, ut "eo, is", "audio, audis". 3 Tercia persona
fit a sua secunda, s in t , ut "amas, amat", "doces, docet", "legis,
legit", "audis, audit". 4 Prima et secunda pluralis fit a sua secunda
singulari, interposita mu uel ti , ut "amas, amamus, amatis", "doces,
docemus, docetis", "legis, legimus, legitis", "audis, audimus,
auditis"; uel sic: secunda fit a tercia, addita is , "amat, amatis". 5
Tercia pluralis a sua tercia singulari, interposita n in prima et secunda
coniugatione, ut "amat, amant", "docet, docent"; in ceteris
|
|