19. Tunc lesus illis, totus bonus dominus,
dixit: “Nolite iam ultra pauescere,
sed ite, meis dicite discipulis,
in Galilaeam montis in cacumine
eant, ibique me uidebunt pariter.”
20. Hec quippe uisa festinante poplite
peracta sanctis dixerunt discipulis:
“Surrexit, ecce, dominus, ut dixerat,
in Galilaea montis super uerticem
illuc euntes uos eum uidebitis.”
21. Cursim uenerunt undecim discipuli
in Galilaeam, sed Petrus ex nomine
uenit uocatus, suum namque dominum
adorauerunt, quibus uulnus lancee
ostendit adque clauorum uestigia.
22. Magno beati sunt gauisi gaudio
omnesque prorsus felices discipuli;
Quidam labenti dubitabant pectore,
firmabat unus Thomas: “Nisi uidero
latus apertum, non credam, per lanceam.
23. Nisi sacratis fixuras in manibus
tangam, foderunt quas clauorum iacula,
non credam.” Iesus cui, dulcis dominus
palpanda membra concessit continuo.
“Dominus” inquid “meus et deus meus.”
24. Tunc dixit illis: “Pax uobis, en, ego sum.”
Omnis potestas in celo cum gloria
est data mihi, fixo corde credite,
in terra summa potestas, uictoria
mihi manebit per aeterna secula.”
|
|