sunt sepulturae sanctorum pontificum. In quibus nimirum
sepulturis, sicut in Libro Pontificum et in eorum quoque
sepulchris scriptum inveni, vel a maioribus nostris saepe accepimus,
requiescunt isti venerabiles subscripti pontifices, videlicet:
UBI REQUIESCIT BEATUS LINUS PAPA ET CETERI QUI SECUNTUR.
19. Linus papa et martyr, qui ex praecepto beati Petri constituit,
ut mulier in ecclesiam velato capite introiret; sepultus iuxta corpus
beati Petri in Vaticano. Nam multa corpora sanctorum episcoporum
et sanctorum virorum ob reverentiam beati Petri ibidem
sepulta sunt.
Cletus papa et martyr, qui tertius post apostolum Petrum, cum
rexisset Ecclesiam annis .XII., persecutione Domitiani martyrio
coronatus est, et sepultus in Vaticano.
Anacletus papa, qui fuit ordinatus presbyter a beato Petro apostolo,
et sepultus in Vaticano.
Evaristus papa, qui constituit .VII. diaconos, qui custodirent
Romanum pontificem.
Xistus papa et martyr natione Romanus. Hic fuit sepultus
iuxta Ferratam prope corpus beati Petri, ubi adhuc est arcus de
mosibo, quem fecit fieri Pasc[h]alis papa I.
Thelesphorus papa et martyr, qui constituit septem [h]ebdomadas
ante Pascha ieiunium celebrari, et in nocte Natalis Domini missas
celebrari, et Gloria in excelsis Deo ante sacrificium dici.
Iginus papa et martyr, qui conposuit clerum et distribuit
gradus.
|
|