duceretur Seraphia. Quam cum rapuisset eam officium, sancta
Sauina secuta est eam pedibus, et uenit ad eam ad lusorium. Et
cum uidisset se non posse illam adiuuare, exclamauit dicens presidi:
«Canis rabide Asiatice, noli contra salutem tuam sanctam Dei uirginem
et dominam tuam contristare iniuriis: prope est enim, immo
adest Christus, dominus noster, qui te et imperatores tuos torquebit
sempiternis tormentis, qui tanta mala excogitauerunt seruientibus
Deo uiuo!». Et recepit se in domum suam cum magno fletu.
Preses uero iussit sisti sanctam Seraphiam, dicens illi: «Sacrifica
diis immortalibus, quibus sacrificauerunt domini imperatores».
Seraphia dixit: «Timeo et colo omnipotentem Deum, qui fecit
|
|