4. Nos laeta caro traxit de paradyso,
misit in huius saeculi exilium,
in lacrimarum ualle delitescimus,
dyris ligati peccatorum uinculis;
afflicta modo reducat ad sydera.
5. Ieiuniorum sunt sacrata tempora,
in quibus hostis bellum mouit inuidus.
Ne sanctitatis cumulentur merita,
temptationum infigit aculeos,
quos sola sedat singularis bonitas.
6. Ieiuna uincit uitiorum milia
diuina caro suffragante gratia,
resistit irae, abdicat libidinem,
dat castitati triumphale praemium,
cingit corona uirginalem uerticem.
7. Moyses, electus domini tyrunculus,
petre sub antro quadraginta dierum
ieiuniorum consecrauit ferias,
ut posset almo legem scriptam digito
sancta sub aure leniter suscipere.
8. Propheta sanctus Helias abstinuit
continuatis totidemque diebus,
Ionas dicauit triduani temporis
Niniuitarum celebre ieiunium,
detersit omne criminis piaculum.
|
|