sive retenti et aliorum bonorum et aliter secundum nostrum et nostre
Curie arbitrium. Si vero receptaverit vel tenuerit exbanditos Romane
Ecclesie, atque nostros pro aliquo malefitio, vel eis tribuerit auxilium
vel favorem, civitas in V libr., comes et baro et castrum in CCC,
villa et nobilis in C, pedes in quinquaginta libris usualis monete
puniatur.
[IX] Item cum iuris preceptum sit unicuique ius suum tribuere,
precipimus, statuimus et firmiter ordinamus quod quelibet comunitas
et universitas civitatum, castrorum aliorumque locorum et quecumque
alia persona habens et retinens de rebus mobilibus vel immobilibus
aut iuribus ad Romanam Ecclesiam spectantibus et que condam ipsa
Romana Ecclesia aut Romanum Imperium aliquo tempore habuit
tenuit et possedit per se vel aliquos nuncios et officiales suos vel
alios quoscumque nomine eorum et pro eis in tota provintia et iurisdictione
nobis commissa teneatur et debeat infra unum mensem
post puplicationem presentum constitutionum ea relaxare, et Camare
domini pape resignare, mandare et denunciare in scriptis, nisi forte
aliquem iustum titulum habuerit, et eum hostenderit infra terminum
sibi datum; et qui contrafecerit vel premissa facere obmiserit, teneatur
ad restitutionem rerum habitarum et receptarum seu occupatarum et
fructum perceptorum ex eis; et nichilominus comune, civitas teneatur
solvere pro pena Camere domini pape mille marches argenti. Comune
vero castri quingentas, villa et specialis persone CCC, et plus et minus
nostro arbitrio secundum qualitatem rei habite, retente seu occupate,
et habitis seu detentis etiam occupatis.
[X] Item statuimus, precipimus et mandamus quod omnia statuta,
constitutiones, capitularia, ordinamenta, reformationes quelibet
que in civitatibus castris et quibuslibet comitatibus et universitatibus
facta sunt, vel in futurum fient contra libertatem Ecclesie Romane
vel etiam aliarum ecclesiarum seu religiosorum locorum vel iura ipsorum
vel contra has constitutiones vel contra iurisdictionem nostram directe
vel indirecte, sint cassa et irrita et nullius valoris vel momenti existant;
nec aliquis ea observare teneatur; et ex nunc decernimus non
tenere, precipientes ea de statutis et capitulariis extrahi seu deleri
usque ad XX dies a die publicationis presencium constitutionum
computandos. Et qui contrafecerit, vel predicta adimplere neglexerit,
si civitas V marcharum argenti, castrum vero CC, villa et alia qualibet
comunitas C penam incurrat Camare Romane Ecclesie applicandarum,
sententias vero latas et processus habitas, auctoritate predictorum
|
|