Omnibus asconde, precor, tam sacrum misterium
Nam si dixeris hoc Evę, ammittes pomerium;
Generabit tibi lingua perpes improperium.
Trinitati hoc committe, unde semper gaudeas;
Non ames quaternitatem, ex qua nimis doleas.
Trinitati numquam tollet quicquam furens boreas.
Trinitas non est in terra nisi in episcopis;
Ipsi quidem congregantur nomine opificis;
Ceteri si adunantur, tractant de inlicitis.
Si ad diu expectatum finem mavis tendere,
Noli temet alienis confitendo vendere,
Hoc est enim pedem tuum ad petram offendere.
E.T.A. si adsunt simul in auctoris nomine,
Sis in illis, ut dixisti, Iesu Christe domine,
Tu inspira, quid agamus, tuo bono omine.
Manda locum atque diem has precedens litteras,
Quo sententias dicamus nobis salutiferas
Totis tribus ipse deus det longas presbiteras.
|
|