Si bis dixeras, ita dicas: 'Vice gemina istud dixi'. (6) Et in verbum potes adverbium retorquere, ut si velis dicere: 'Hic sepe canit', verbum inseras, ita dicens: 'Iste frequentat cantum', 'Huius cantus valde crebrescit', 'Iste cantitat'; vel in nomen potius id convertas, ut: 'Frequens est huius cantus', 'Canendi frequentia hunc delectat'. (7) Adverbium quoque negandi potes in verbum vel nomen convertere, (8) ut si velis dicere: 'Non lego', potes taliter commutare: 'Michi abest actus legendi', 'Actu legendi vaco', 'Actio legendi a me penitus est divisa'. Et ita potes de omnibus adverbiorum significationibus experiri.
59. (1) DE COMMUTATIONE CONIUNCTIONIS.
(2) Coniunctiones etiam poteris commutare, ut si velis dicere: 'Si iste venerit ille recedet', dicas honestius: 'Huius adventus operabitur illius recessum'. (3) Idem in copulativa contingit, ut: 'Vitium et virtus repugnant'. Dicas id pu]crius: 'Virtus vitio contradicit'. 'Homo et asinus currunt' dicas decentius: 'Uterque istorum currit', 'Propter cursum hominis cursu asinus non privatur, 'Quamvis currat homo nichilominus tamen currit asinus'. (4) Similiter potes vertere disiunctivam, ut: 'Iste vel ille currit'. Dic ergo: 'Alter istorum currit', 'Unum istorum ab altero cursus disiungit'. (5) Illativam quoque poteris commutare, ut: 'Sor.