testificati sunt. et cum toti tres, uno tenore, ante gloriosum principem
testimonium reddidissent, precepit nobis Arichisi iudici iam
dictus gloriosus princeps, ut una cum Paldefrit comiti recederemus
ab eius conspectu, et per sacramentum firmarent predicti monachi
sua testimonia, que de predictis terris testificati sunt. et ipse
domnus Leo abbas, pro parte sui monasterii, iuraret eidem Paldefrit
comiti de iam dictis terris, sicut lex est, et egressi sumus
ab eius conspectu. tunc Paldefrit comes, pro parte palacii, posita
sancta evangelia, primus iuravit ei Grimoaldus presbiter et
monachus, deinde Adelpertus, et Paulus, tangendo ipsa evangelia,
et dicendo, ut sic esset veritas, sicut illi de iam dictis terris testimonium
reddidissent domno Leoni abbati; noluit ipse Paldefrit
comes sacramentum tollere, sed per fustem ei donavit, et launegild
inde, secundum legem, ab eo recepit camisum unum, in omni
decisione, et in ea racione, ut si ipse Paldefrid comes, aut eius
heredes, de nominata donacione per qualecumque ingenium dirrumpere
aut removere quesierit, centum bizanteos solidos pena se,
et suos heredes eidem domno Leoni abbati, et ad posteros eius,
componere obligavit, et supradicta donacio firma permanere in perpetuum.
Et ita est causacio de iam dictis terris inter partem predicti
monasterii, et iam dictum Paldefrit comitem, per iam dicta testimonia
et sacramenta, finita et deliberata in omnibus. Cum nos, qui supra
Arichis iudex, taliter omnia supradicta vidimus et audivimus, iudicavimus,
ut amodo et semper pars supradicti monasterii Sancti Vincencii,
et eius abbates, et rectores firmiter et securiter habeant et
possideant predictas terras integras, sicut superius per fines indicate
et mensurate sunt, absque omni contrarietate iam dicti Paldefrit
comiti, vel cuiuscumque persone. Quapropter recordandum in
perpetuum ea omnia, qualiter superius gesta sunt, quam et pro securitate
predicti monasterii Sancti Vincencii, et de eius abbatibus,
et rectoribus hunc emisimus iudicatum, quod tibi Ercemberti notario,
qui interfuisti, scribere demandavimus. [.....] subscripsi.
|
|