cum lacrimis persisteret in orationibus, filius custodis ecclesiae, maligno
spiritu incitatus, accessit iratus et dedit ei alapam, et eiecit
eum de ecclesia. Et statim miser, a maligno spiritu inuasus, uexari
cepit fortiter, uolutans, spumans et clamans quare sibi hoc accidisset;
et dixit: «Venit quidam iuuenis incognitus, tunicam
habens usque ad talos; quem orantem percussi et laudantem Dominum».
Vnde iuxta riuum Arnuuium procedens, custos ad pedes
eius lacrimabiliter pro stulto filio ueniam postulabat. 57 Et beatus
Geminus, pietate commotus, dixit: «Vade in pace, et in nomine
domini Iesu Christi filius tuus sanabitur». Et ita factum est, famaque
diffusa, cum eum quererent, non inuenerunt.
Sanctus Geminus uero, humanas laudes decantans, contritus
inde recessit et transiens in Martanum montem, uenit in ciuitatem
Martanam, quae illi subiacet. Et quaedam Christi fidelis uidua
orauit illum, ut oraret pro ea; et, pro illa orans ad Dominum, statim
eius filia, quae a demone uexabatur, liberata est. Et mater
eius, gaudens in Domino, totas conuicinas conuocauit, quae, gratias
agentes, rogabant Geminum, ut permaneret cum eis. Et mansit
ibi diebus; deinde, ualedicens illis et relinquens eas in pace,
recessit.
Et postea uenit in ciuitatem Casuntinam, ibique a fidelibus
receptus caritatiue, habitauit pluribus diebus, sanando infirmos,
predicando et multa miracula faciendo. 64 Nam prima Valentia, postea
dicta est Casuntia; post hoc, angelus Domini apparens ei dixit:
«Gemine, noli hic amplius habitare, sed uade in ciuitatem Ferentinam,
annuncians uerbum Dei».
Et statim uir sanctus obediens peruenit illuc, et predicabat
Ferentinis uerba salutis eternae. Quidam uero peruersi, maligno
spiritu incitati, impetum facientes in eum, eicierunt extra ciuitatem.
Et et ipse gaudens ibat, quia pro nomine Christi contumelias
acceperat et, cum inuenisset cauernam, reclusit se ibi ad orandum.
Et cum ibi uacaret in Dei laudibus, angelus Domini uocauit
eum de celo, dicens: «Gemine, tempus est ut uenias et epuleris
in conuiuio Dei tui». Et beatus Geminus, gaudens et gratias
agens Deo, eleuatis oculis in celum, laudans Patrem et Filium et
Spiritum Sanctum, feliciter migrauit ad Dominum. Inspirauit autem
dominus noster Iesus Christus fideles suos, qui uenientes tulerunt
corpus eius et cum reuerentia recondiderunt eum in loco congruo,
ubi Dominus multa miracula fecit et facit.
|
|