suam ostendit providentiam in omnibus, quanquam
nobis et esse et habitare dignatur.
6. Unicuique autem vestrum . Hoc vult dicere,
quamvis per omnia necessaria sit concordia, videtur
tamen inesse in eis differentia ob gratiarum
varietatem.
7. LANFR. Data est gratia secundum mensuram ,
etc. Quamvis unus sit spiritus, diversa sunt dona
ipsius. Et hoc est quod dicit: Data est gratia secundum
mensuram , id est, diversae; alii hoc, alii illud,
alii plus, alii minus. Quod prius ab auctoritate,
postea probat a partibus.
8. AUGUST. ( Enarr. in psal. LXVII, tom. VIII.)
Captivam duxit . Utrum quia vicit mortem, quae
captivos tenebat, in quibus regnabat, an ipsos homines
appellavit captivitatem, quia captivi sub diabolo
tenebantur.
9. LANFR. Quod autem ascendit . Probat de Christo
superiorem versum esse dictum; ipse enim ascendit
in coelum et de coelo descendit.
10. AMBROS. Descendit . Inferiores partes ipsam
terram nominat in comparatione coeli. Vult autem
dicere, quoniam non ascendisset, nisi primum in
illo divina exstitisset natura, cui complacuit in illum
habitare, qui super terram erat.
11. Qui descendit . Vult autem dicere quoniam
is in quem divina descendit natura, super coelos
effectus est, et hoc inseruit volens ostendere quomodo
Christus homo aliis posset tribuere spirituales
donationes; post recurrit ad suam sententiam.
12. LANFR. Impleret omnia . id est, omnes gentes
cultura divina, vel omnia quae de eo praedicta
erant.
13. AUGUST. ( Epist. 59 ad Paulin ., quaest. 4, tom.
II.) Alios pastores . Pastores et doctores, quos maxime
ut discerneremus voluisti, eosdem puto esse,
sicut et tibi visum est, ut non alios pastores, alios
doctores intelligamus; sed ideo cum praedixisse
pastores, subjunxit et doctores, ut intelligant pastores
ad officium suum pertinere doctrinam.
14. LANFR. Alios autem pastores . Propter hoc
|
|