Idem rex … cardinali, per Stephanum.
Vacante nuper … ecclesia, prior et conventus eiusdem … episcopum
cancellarium nostrum in episcopum eiusdem ecclesie unanimiter et concorditer
postularunt. Cumque idem episcopus, ante obitum felicis recordationis
… quondam genitoris nostri regis Anglie illustris, tempore illius
generalis turbationis, que totum fere regnum nostrum dampnabiliter conquassavit,
velut columpna immobilis prestiterit fide firmus et devotione
sincerus, nec se presumpserit a fidelitatis nostre cultu aliquorum impulsibus
deici sive flecti, ac post obitum dicti genitoris nostri de virtute proficiens
vel gradiens in virtutem in absentia nostra dictum regnum in tranquillitate
rexerit et studio suo servarit in pace, affectaremus toto cordis
affectu, tota anima, tota mente, ut dictus postulatus ad eandem transferretur
ecclesiam, maxime quia in illa, que posita est quasi in umbilico regni
nostri, nobis, ipsi regno et toti Anglicane ecclesie locum teneret insignem
et multa eis per hoc tam in spiritualibus, quam in temporalibus comoda
provenirent. Nos etiam securius ei, cum nos regnum contingeret egredi,
regimen committeremus ipsius et nostrorum custodiam filiorum, sicque
in ipso quiesceret spiritus noster, nec in absentia persone nostre procellas,
quas constantia fidei sue sciret prudenter elidere ab experto, alicuius turbinis
formidare possemus. Consideramus insuper, quod si dux fidei nostre
eidem postulato non aperiret, quod absit, ianuam gratiarum, nobis exinde
|
|