Sequenti quoque die vir nobilis et ditissimus
Lupo filius quondam suprascripti Aderisi,
obtulit se cum omnibus rebus suis mobilibus
et immobilibus quas habebat in Bectorrita
Domno Romano Abbati, et veniens ante altare
fecit oblationem rerum suarum, et secundum
Regulae morem vitam Monasticam assumens
in congregatione receptus est, sicut li¬bellus
traditionis quem de suis rebus condidit,
protestatur; Ipso etjam die Romanus
Abbas fecit altera emptionem a ditissimo
viro Magelfredo, Formosiani filio de terra in
vico Teatino et Tocco quam habebat in casis,
praediis, vineis et ceteris rebus a flumine
Piscaria usque in rivum Arullum, et confinium
Valve, dans ei proinde pretium de argento
solidos centum.
Pelerinus siquidem illustris vir Pinnensis,
audiens Abbatem Romanum pro possessionibus
emendis pecunjam regjam largiter expendere,
venit ad Casauriense Coenobium, tradiditque
Domno Abbati per chartulam venditionis
quicquid in villa nomine Salaiano videbatur
habere, recipiens inde ab eo pretium in argento
centum solidos.
Quod Casale cum aliis possessionibus, quae
vocantur Ampullula, Salsula, Albenetulo,
Celiffe, idem Pelerinus a Piscariensi Monasterio
tenuit, Abbate Romano beneficiali ordine
sibi largiente subscripto et certo censu atque
servitio, ut in ipsus scripti chartula legitur.
Per idem tempus Allo quondam Castaldio, vir
locuples in Pinnensi et Teatino Comitatu,
cum uxore sua nomine Fredeldi, investivit
Romanum Abbatem de duabus Curtibus,
quarum una dicitur Viarium in Tocci perti¬nentia,
altera in Pinne, quae dicitur Ocretanum;
propter quod idem Abbia dedit eis duos
caballos optime paratos, quemadmodum in
ejusdem investiturae chartula testibus roborata
legitur.
Itaque dum haec taliter agerent, Domnus
Imperator Ludovicus profectionem suam exequens
Capuam applicuit, ibique pro totius
Romani Imperii commoditatibus commorans,
universisque fere tam Ecclesiasticis, quam secularibus
potentibus viris congregatis, augustalem,
atque solemnem Curjam celebravit,
ubi de Pisicariensi Monasterio praecipuum, ac
principale verbum faciens coram omnibus Italiae
Principibus, ipsum Monasterium perpetua
libertate donavit. De qua libertate, et de rebus,
et dignitatibus, secundum suae liberalitatis
clementjam eidem collatis atque concessis,
augustalis edicti paginam scribere fecit,
et etjam propria manu subter insignivit, et
sua Imperiali bulla iussit annotari, sicut in ip¬sius
praecepti pagina reperiri potest, et legi.
Quae vero pagina Monasterio porrecta, et habita,
et ejus exemplo in instrumentali volumine
pro recordatione descripta sic est.
PRIVILEGIUM PRIMUM
De cambio Insulae et constructione, seu libertate
Coenobii Casauriensis.
“ In nomine Domini nostri Jesu Christi
Dei aeterni, Ludovicus divina ordinante
providentia Imperator Augustus. Quicquid
famulorum Christi usibus Deo inspirante
largimur, illi profecto damus, a quo bonum
omne suscepimus; Ideoque omnium
|
|