exterius contra intemperiem aeris duro cortice premuniri.
Citros quoque triplici substantie diversitate distingui, cum cortex
exterior colore simul et odore caliditatis preferat argumentum;
quod autem circa centrum est acetoso liquore frigiditatis prestet
indicium; medium vero inter utrumque temperatius comprobetur.
Videas ibi et lumias acetositate sua saporandis cibis
ydoneas et arengias acetoso nichilominus humore plenas interius,
que magis pulcritudine sua visum oblectant quam ad aliud utiles
videantur. Hae quidem ab arbore sua etiam cum maturaverint
difficile cadunt, et novis supervenientibus veteres cedere dedignantur;
nam et tertii anni poma iam rubea et secundi adhuc
virentia et presentis anni flores in eadem possunt arbore pariter
inveniri. Hec autem arbor continue iuventutis pollens insignibus,
nec fit yemis sterili senectute deformis, nec ingruentis frigoris
asperitate frondibus spoliatur, sed virentibus semper foliis veris
temperiem representat. Quid vero nuces amigdali aut ficuum
diversa genera vel olivas condiendis cibariis et lucernarum fovendis
ignibus oleum ministrantes enumerem? Quid loquar siliquarum
vaginulas et fructum ignobilem insipida quadam dulcedine rusticorum
ac puerorum gutturi blandientem? Mireris potius palmarum
procera cacumina dactilosque detonse arboris summo vertice
dependentes. Quod si in partem aliam visum deflexeris, occurret
|
1
5
10
15
20
|