{EPISTOLA B. PAULI APOSTOLI AD HEBRAEOS.
CUM INTERJECTIS B. LANFRANCI GLOSSULIS .}
ARGUMENTUM.—In primis dicendum est cur Apostolus
Paulus in hac Epistola scribenda non servaverit
morem suum, ut vel vocabulum nominis sui,
vel ordinis describeret dignitatem. Haec causa est
quod, ad eos scribens qui ex circumcisione crediderant,
quasi gentium Apostolus, et non Hebraeorum;
sciens quoque eorum superbiam, suamque humilitatem
demonstrans, meritum officii sui noluit anteferre. |
|