92. Vtrum imaginatiua augmentet se augmentando suum
actum?
93. Vtrum imaginatiua sit altior potentia, quam sensitiua?
94. Vtrum imaginatiua habeat instinctum et appetitum specificos?
95.
Sensitiua per quem modum impedit actum imaginatiuae?
96. Quare imaginatiua non est ita potens in sensatis sicut
sensitiua? Vade ad subiectum imaginatiuae.
97. Quaeritur: Vtrum sensitiua senset imaginatiuam? Et respondendum
est, quod potentiae inferiores non agunt in superioribus.
11.6.DE
QVAESTIONIBVS SEXTI SVBIECTI QVOD EST SENSITIVA
98. Quaeritur: Quae potentia istarum sentiat famem et sitim
aut gustus aut tactus? Et respondendum est, quod illa, quae magis
disponit obiectum.
99. Vtrum gustus sic sentiat famem aut sitim cum instinctu et
appetitu, sicut uisus coloratum cum colore? Vade ad secundam
speciem regulae E.
100. Quaeritur: Sensitiua ex quo sensat sensata? Et respondendum
est, quod quilibet sensus particularis sensat suum sensibile
per formam specificam; sicut subiectum coloratum, subsistens
cristallo, colorat ipsum.
101. Vtrum sensitiua habeat quantitatem punctualem et linealem?
Et respondendum est, quod sensitiua ita cito attingit
obiectum de longe, sicut de prope.
102. Vtrum sensitiua, sicut habet sensum communem, sic habeat
communem potestatem, instinctum et appetitum?
103. Quaeritur: Quid est sensitiua?
104. Sensitiua cum quibus est communis et particularis?
105. Sensitiua ex quo uiuit et nutritur?
106. Vtrum sensitiua sit sensata? Vade ad subiectum sensitiuae.
|
|