machinantes et multa consilia inientes, tandem Dominus sua
divina providentia atque misericordia eos utpote miseros
semper liberavit.
Sicherius autem cum ad curiam venit, regis pedibus se
prosternens omnia, que et qualiter sibi contigerant, per ordinem
regi omnibusque principibus astantibus exposuit; rogavitque
ipsum ac universos curie principes, quatenus eum et se ipsos
de hac iniuria vindicarent. Hoc autem rege et universis
principibus audientibus, maxima ira et dolore commoti sunt.
Altiusque in cordibus eorurm hec verba ascenderunt, quam
quisquam ratus unquam foret; et sicut scintilla ignis totam
domum accendit, ita hec verba cor regis et omnium principum
accenderunt. Statimque se in Longobardiam cum exercitu
magno venturos esse decreverunt.
Interea Laudenses quandam clavem ex bono et purissimo
auro factam per marchionem Gulielmum de Monferato, qui
eos adiuvare promiserat, clam regi direxerunt, mandantes ei,
quod se ipsos et civitatem Laude sibi commendarent et in sua
protectione utpote sui semper esse et manere vellent. Ipse
vero rex cum magno gaudio suscipiens Laudenses et eorum
civitatem, quamvis destructam, in sua custodia suscepit.
|
1
5
10
15
20
|