morari elegerunt atque in papa Alexandro credere eiusque
parti favere ac episcopum novum secundum archiepiscopi
voluntatem eligere disposuerunt, quam mundum nudi circumeundo
fame et siti perire atque obprobrium et dedecus ab
omnibus sustinere; preponentes etiam sibi imminens ac presens
bonum ac dubiam vitam penitus relinquentes.
Igitur in die Iovis sancti, que fuit tunc quarto kalendas
Aprilis de indictione prima de M°C°LXVIII° anno, iam dictus
dominus Albertus Laudensis ecclesie prepositus communicato
insimul consilio tam Laudensis civitatis abbatum, prepositorum,
presbiterorum aliorumque clericorum quam etiam
illorum, qui extra civitatem in Laudensi fuerant episcopatu,
ad honorem Dei et beatissime virginis Marie atque beatissimi
et preciosi confessoris sancti Bassiani, cuius sanctissimum
corpus in ipsa eadem ecclesia iacet, — seu etiam omnium
Laudensium tam clericorum quam laicorum — dominum
Albertum presbiter ac tunc temporis ecclesie Ripalte
|
1
5
10
15
|