Erant insuper et alii multi in exercitu imperatoris domini
serenissimi Frederici, tam duces quam marchiones et comites
Teutonici atque Lombardi, quorum qualitates enarrare nimiam
difficultatem generaret ac ab opere me deviaret proposito.
Idcirco ad materiam redeam.
Sequenti vero proxima estate, que fuit in millesimo centesimo
sexagesimo tercio ab incarnatione Domini anno, incepit
Rodulfus Teutonicus, quem imperator monete sue preposuerat,
que fiebat in burgo Noxeta, maximam quandam turrim
in predicto burgo de Noxeta ad honorem domini imperatoris
ad gubernandos intus denarios imperatoris. Et apud Modoeciam
inceptum est maximum palacium ad eiusdem honorem.
Archiepiscopus vero electus Colonie fecit castrum de Montemalo,
quod est in episcopatu Laude, reedificari.
Eodem anno redditum est castrum Garde comiti Marcoardo
a Turisendo, cuius ipsum fuerat et qui usque tunc
imperatori resisterat, omnibus aliis tam civitatibus quam
|
1
5
10
15
|