XXXVIII. – DE LABORE STRATAE.
Item statuerunt quod quilibet victuralium teneatur et debeat
ire ad laborem stratae secundum quod fuerit concorditer ordinatum
per consules partitores et victurales vel pro maiori
parte victuralium. Et qui non fuerit ad laborem stratae quod
dictus partitor possit et debeat capere unum bonum laboratorem
vel plures ad expensas illius victuralis qui non fuerit ad
laborem dictae stratae. Et quod ipse victuralis debeat solvere
ipso laboratori vel partitori. Et si noluerit solvere, quod ipse
victuralis non debeat habere aliquam ballam vel mercantiam
nec portare sub praedicta poena. Et quod partitor possit et
debeat descaregare praedictum victuralem.
XXXIX. – DE HORIS CAREGANDI BALLAS.
Item statuerunt et ordinaverunt quod quilibet victuralium
teneatur et debeat venire ad capiendum, levandum et ducendum
suam ballam vel mercantiam pro volta in foris ad horam tertiae.
Et qui non fuerit et steterit ultra horam tertiae ad levandum
et ducendum suam voltam de ballis vel mercantia amittat
suam voltam in illo die, ille vel illi quibus denuntiatum fuerit
per partitorem vel per suum nuncium sive quod sciverint aut
dici audiverint habere ballam per se vel per suos vicinos die
antea quod debeat portare et ab hora tertiae in antea non teneatur
ducere nec levare ballas vel mercantiam si non est de
sua voluntate, nisi mercatoris qui fuerit in portu per una balla
et qui duxerit alias ballas. Et hoc intelligatur de victuralibus
Diverii.
XL. – DE BALLIS NON DIMITTENDIS IN ALIQUIBUS PARTIBUS.
Item statuerunt et ordinaverunt quod si aliquis victuralis
dimiserit aliquam ballam vel mercantiam in valle de rodano
vel in aliis partibus quod partitor debat locare et duci facere
ipsas ballas vel mercantiam incontinenti ad expensas ipsius
victuralis qui eam et eas dimiserit in strata vel in aliis partibus
et amittat duas suas proprias voltas de ballis, videlicet
unam intus et aliam in foris et ultra illi victurales non debeant
habere aliquam ballam aliquo modo donec restituerit omnes
expensas et victuram partitoribus vel illi qui ipsam ballam portaverit
nisi fuerit iusto impedimento. Et si mercatores solverint
dictam victuram et expensas quod partitor teneatur et
debeat solvere mercatori praedicto incontinenti ad expensas
ipsorum victuralium. Et ultra omnia praedicta praedicti victurales
|
|