hic, quae est totius mundi tertia pars; sed de quadam
provincia, quae ipsius majoris Asiae pars est;
ejus tamen nomine nuncupatur.
9. Multarum personis . Causa cur adhuc eripiet,
ut videlicet, ex multarum facierum personis, ad
Deum propter eorum praedicationem conversis, gratiae
agantur Deo per eorum praedicationem, per multos
habentes eam donationem fidei quae in ipsis est.
Personas autem multarum facierum vocat, infantes,
pueros, et caeteras aetates hominum utriusque sexus.
10. Nam gloria nostra . Ratio cur eos 87 adjuvare
debeant, in orationibus videlicet, quia conscientia
eorum testis sit quod sincere conversati sint inter
eos.
11. AMBROS. Nam gloria . Ratio quamobrem de
Deo non diffidebat, quia in simplicitate conversabatur.
Et haec est gloria conscientiae, simplicitas et
sinceritas.
12. LANFR. In sapientia . Sapientia carnalis est voluptates
diligere, labores vitare.
13. Sed in gratia , id est, observantia bonorum
operum, quae per gratiam Dei datur.
14. AMBROS. Abundantius autem . Quia cum ab aliis
acceperit, ab his noluit, ne arguendi eos auctoritatem
amitteret.
15. LANFR. Non enim alias scribimus . Vel dicitur:
In simplicitate dicis: Tu in alia Epistola promisisti te
venturum ad nos, et non venisti. Non sum, inquit,
levis, quia quae scripsi, et legistis in Epistolis meis,
vos ita esse cognoscitis.
|
|