scripseris antiquum redolet, antiquum est. et
quicquid scripserim alibi euoluo: totum a
te complexum in te repositum comperio.
Iam non multa loquar tecum. Sed eo egisti
me, ut mecum ipse diu uersauerim quo in genere
gloriose primatum eloquentie teneas, prosarione
an metrico. Hic michi omnis in carminibus
pyeridum assistit chorus modulatissimis
uocibus ebibitum totum Castalie fontem
decantans, atque morales flosculos sertis suis
annectens suauius in precordia audientis effundit;
summa cum elegantia uerborum, summa
sententia; summa cum delectatione; summa
clare intuentis utilitas, et honestas: ut non
aliter a tuorum lectione metrorum pastus discedat
quis, quam cui blandientis fortune serenitas,
non in periculis et naufragiis ut sepe fit,
sed delectabii, atque placato mari, et semper in
portu nauiganti, plurimos illa thesauros aduexit
in patriam redeunti, ut diu ille sentiat letum
iocundumque simul et utile plurimum egisse iter.
Illic prosaria me tenet auctoritas, atque sententiarum