magnitudo concordans? Differentia est bona: Vtrum differentia
sit bona? Et: Quid est differentia bona? Differentia est magna:
Vtrum differentia sit magna? Et: Quid est differentia magna?
Differentia est concordans: Vtrum differentia sit concordans? Et:
Quid est differentia concordans? Concordantia est bona: Vtrum
concordantia sit bona? Et: Quid est concordantia bona? Concordantia
est magna: Vtrum concordantia sit magna? Quid est
concordantia magna? Concordantia est differens: Vtrum concordantia
sit differens? Quid est concordantia differens?
Facta ista euacuatione quaestionum, intellectus euacuet cameram
cum definitionibus bonitatis et magnitudinis, et cum tribus
speciebus differentiae et concordantiae, ut patet in secunda figura.
Deinde euacuet cameram cum tribus speciebus regulae B, et cum
quattuor speciebus regulae C; et expedita ista euacuatione
intellectus soluat praedictas quaestiones in illa euacuatione,
sequendo condiciones camerae, affirmando aut negando. Et sic
intellectus expellit de camera dubitationes, et consistit in illa
quietus et assertiuus. Et etiam cognoscit se ualde generalem et
artificiatum, et de magna scientia habituatum.
VII
De septima parte
Quae est de multiplicatione quartae figurae
Multiplicatio quartae figurae consistit in hoc, uidelicet quod
prima camera B C D in quarta figura siue in tabula significat, quod
B unam condicionem habet cum C, et aliam cum D; et C unam
condicionem habet cum B, et aliam cum D; et D unam condicionem
habet cum B, et aliam cum C. Et sic sunt in ipsa camera sex
condiciones, cum quibus intellectus se condicionat et disponit ad
inuestigandum et inueniendum, et obiciendum et probandum, et
ad determinandum.
Post istas sex condiciones intellectus acquirit alias sex condiciones,
uoluendo circulum minorem, ponendo suum E sub C circuli
mediocris, sub quo erat suum D. Et quia mutata est camera,
|
|