alienos. Non assumes nomen Dei tui in vanum. Sabbata
custodies . Et reliqua septem in secunda ad
proximum pertinentia; quorum fuit prius: Honora
patrem et matrem . Unde dicit quod est primum
mandatum .
2. AMBROS. In simplicitate . Modum quo illud dixerat
expandit, subjungens: Non ad oculum servientes .
3. LANFR. Et vos Domini eadem , id est, similia
in simplicitate cordis, et bona voluntate, ut servi
Christi facientes voluntatem Dei erga illos.
4. AMBROS. Remittentes . Non dixit auferentes, sed
remittentes. Non enim corrigere servos, si pertinaciter
peccant, prohibet.
5. Non est nobis . Abusus est indifferenter colluctationis
nomine, pro bello ponens.
6. AUGUST. ( Enarr. in Psal. CXVII, tom. VIII.) Rectores .
Rectores tenebrarum harum, id est, rectores
iniquorum mundum istum diligentium.
7. Contra spiritualia . Sunt ergo spiritualia nequitiae
in coelestibus non ubi sidera disposita fulgent,
et sancti angeli commorantur, sed in hujus aeris infimi
caliginoso habitaculo, ubi et nebula conglobatur.
AMBROS. In coelestibus . Hoc est, pro coelestibus,
id est, pro regno coelorum adversus illos est nobis
certamen.
8. LANFR. In coelestibus . Coelestia vocat virtutes,
quae ad coelestia, in quibus exercendis spiritum nequam
contradictionem patimur.
9. Propterea accipite . Quasi diceret: Quia contra
spirituales hostes certatis, spiritualem armaturam
sumere debetis.
10. AUGUST. ( ibidem in psal. XXXIV.) Accipite armaturam .
|
|