Albertus Miliolus: Liber de temporibus et etatibus. Continuatio Regina et Cronica Imperatorum

Pag 661


et non regnabit multum; et per ipsum erit multa malicia in terra et multa sanguinis
effusio. Et erunt destructe ecclesie per ipsius potestatem, in aliis regionibus multe tribulationes
et prelia erunt. Tunc exurget gens super gentem, Capadocia, Pamphylia,
captivabunt in ipsius tempore. Ideo quia [non] introivit per hostium in ovile. Et
postea exurget rex mansuetissimus per A nomen. Et erunt sub eo multe pugne inter
Agarenos et Grecos et inter paganos multa prelia et pugne multe; Syriam expugnabunt
et Pentapolim captivabunt; ipse rex erit de genere Longobardorum. Et erit intencio et
bella inter regem Salicum et Longobardorum. Ipse rex Salicus erit per E nomen fortis
et crudelis; et postea insurgent Agareni et captivabunt Tarantum et Barym et multas
civitates captivabunt et volunt venire Romam; et non est qui resistat eis nisi Deus deorum
et dominus dominorum; et convenient Armeni et ipsos disperdent, et accurent Persi et
apponunt fossata iuxta orientem et expugnabunt Romam et obtinebunt pacem aliquantum;
intrabit belligerator rex Grecorum in Ieropolim, et destruet templa ydolorum Apocalibani;
et veniet locusta et brucus et comedent omnes labores eorum et fructus.
Capadocia et Cilicia a fame cruciabuntur. Et postea erit amplius rex Salicus, et denegabunt
filios parentes et parentes fili. Et frater fratrem tradet in mortem; et frater
cum sorore miscebitur, et pater cum filia, anicula cum iuniore sibi coniunguntur et senex
cum virgine. Sacerdotes fornicabunt; episcopi malefactores erunt; et fiet multa effusio
sanguinis, et templa sanctorum polluent et potenter regnabunt; et erunt fornicatores et
inmundicie et Sodomite, et ut visio eorum in contumelia appareat. Et erunt homines
raptores et contumeliosi, odientes iusticiam et amantes falsitatem, et iudices Romanorum
inmutabuntur. Cum uno loquentur et alium occident, et si hodie mittunt, alium mutabunt
propter peccuniam accipiendam, et omnes iudices non iudicabunt rectum, sed falsum.
Et erunt in illis diebus rapaces, cupidos et periuri et amabunt munera, falsitates et
destruent legem veritatis; et fient terremotus diversi, insule, civitates et regiones dimersione
demergebunt; et erunt per loca pestilencie hominum et bovum et mortalitas
ovium, et terra ab inimicis desolabitur, et non prevalent consolari primi. Et postea
exurget rex per B nomen, et erunt sub illo bella, et regnabit annis duobus. Et postea
exurget rex alius per A nomen et veniet et obtinebit regnum aliquantum tempus. Et
veniet Romam et captivabit eam et [non] mortificabit animam eius in manu inimicorum
eius, usque dum impleat tempus vite sue; et erit bonus et regnabit multa tempora.
Et postea exurget rex per B nomen, et de ipso B procedit XII. B, et regnabit multa

Torna all'inizio