vero in fossatum corruentes necantur ceteris intra propugnacula
receptis. Ex parte quoque Papiensium aliorumque
Longobardorum, qui fuerant ad prelium, alii capti, plerique
vulnerati, aliqui etiam mortui sunt, Teutonicis imperatoris
preceptum timentibus non accedentibus ad bellum; preceperat
eis, ne quis cum Mediolanensibus prelium inciperet.
Preterea imperator inde discedens ad portam Cumacinam
et portam Vercellinam cum exercitu consedit. At Mediolanenses
denuo belli fortunam temptantes, cum exercitu imperatoris
prelium incipiunt. Multi utrinque sauciantur, gladiis res
geritur, maxima vi certatur, alii confodiuntur, alii plerique
de equis deiciuntur, alii neci traduntur. Postremo tamen non
valentes Mediolanenses, qui civitatem exiverant, tante multitudini
resistere, intra portam repelluntur; alii in vallum
precipitantur, ut assolet in angustis locis, dum omnes properent
invicem sibi officientes. Deinde imperator circa
Mediolanum usque ad portam Ticinensem proficiscens totas
segetes devastavit, vites et arbores succidit; et circa Mediolanum
fere per decem dies se revolvens omnia, que circa Mediolanum
erant, devastavit.
|
1
5
10
15
20
|