19. Terras per omnes circumquaque uenderis,
nec ipsis in te est sepultis requies,
proiciuntur pro uenali marmore
corpora tumbis.
20. Vindictam tamen non euasit impius
destructor tuus, Attila seuissimus:
nunc igni simul gehennae et uermibus
excruciatur.
21. Xriste rex noster, iudex inuictissime,
te supplicamus, miseratus respice,
auerte iram, tales casus prohibe
famulis tuis.
22. Ymnos precesque deferamus domino,
ut frenet gentes et constringat emulos,
protegat semper nos potenti brachio,
clemens ubique.
23. Zelo nos pio, summe pater, corrige,
preueni semper tuos subsequere,
ut inoffenso gradientes tramite
salues in euum.
|
|