auxilium obnixe se preparant. Inter quos fuit lantgravus
cognatus imperatoris et Conradus comes palatinus de Reno
frater imperatoris atque Fredericus filius quondam regis
Conradi, qui fuit patruus imperatoris, dux de Rottemburgo;
qui duxerunt secum ultra sexcentos milites bene armatos.
Rainaldus quoque cancellarius et tunc electus archiepiscopus
Colonie duxit secum ultra quingentos milites. Filius quoque
regis Boemie una cum duce Boemie patruo suo ultra trecentos
equites secum duxere. Aliique multi episcopi, marchiones,
comites et alii nobiles et principes in Longobardiam
ad imperatoris auxilium veniunt.
Imperator itaque in die Lune, que fuit tercio kalendas
sequentis mensis Iunii in festivitate sancti Maximini, cum
predictis principibus et magna copia Longobardorum supra
Mediolanum tendit ob ipsorum segetes devastandas. Devastaveruntque
ipsas segetes usque ad Sanctum Caremalum
|
1
5
10
15
|