voce mellifluae audientium corda demulcet, utpote
cui quicquid erat sub pallio Solis absconditum,
praeter clausi libri septem signacula divinus
intuitus revelavit. Ipse est etenim Petrus
fundatus in petra, ut caeteros fidei stabilitate
fundaret, et sinceritatis soliditate firmatus,
foret aliis fundamentum. Relictis quidem
retibus, princeps Apostolorum, Petrus
ille piscator nimirum, secutus est
Deum. Sed Petrus hic legifer a sui domini
latere non discedit; curam gregis dominici,
pastor ille curabat antiquus; sed
iste novus athleta juxta latus summi principis
virtutes inserens, et errores extirpans, in
statera justitiae ponderat, quicquid dicit. Galilaeus
ille tertia dominum sua voce negavit;
sed absit quod semel abneget Capuanus. O
felix vinea, quae felicem Capuam tam suavis
fructus ubertate reficiens, Terram laboris irradians,
et remotos orbis terminos instantia
tuae foecunditatis irradiare non cessas: a
cujus stipite palmites non discrepant. [Ex te
namque prodiit hic Petrus, quem commendabiliter]
ejus effectus laudabilem exhibet,
eo quod habuit tam nobilissimum creatorem,
et quem ornavit qualitas habitus, ipsum
amictu decoris adornat. Nam legis
armatus peritia, digesta digerit, et Codicis
scrupulositates elimat, dum in quadrigis sedens