significare personas. 11 Proprium est aduerbii cum uerbo poni,
nec sine eo perfectam significationem habere. 12 Proprium est
prepositionis casualibus tantum per appositionem preponi. 13
Proprium est coniunctionis casuales dictiones, uerba, seu aduerbia
coniungere. 14 Proprium est interiectionis motum animi uel
affectum uerbi sine certo accentu significare, ut "pape"; et si non
addatur, subauditur "miror".
DE NOMINE
1 Nomen est pars orationis que unicuique subiectorum corporum
seu rerum communem uel propriam qualitatem distribuit,
ut "homo"/"Virgilius", "ars"/"arithmetica Nicomachi". 2 Dicitur
autem nomen uel a Greco ONOMA, dicto a NEMEIN, id est a "tribuendo",
uel quasi "notamen". 3 Accidunt igitur nomini V: species,
genus, numerus, figura, casus.
|
|