[V] Item statuimus et mandamus quod nullus auctoritate propria
audeat auferre sive aprehendere seu intrare vel molestare possessionem
alicuius [vel] aliquorum de re mobili vel immobili; et si quis contrafecerit,
si comes vel baro in CCC libris, et si nobilis in CC usualis monete, si
pedes in C libris puniatur et plus et minus nostro arbitrio, considerata
qualitate rei et possessionis et personarum et possessionem restituat
et a turbatione et molestatione desistat. Civitatem autem aut
comunitatem et universitatem quamlibet in hoc delinquentem puniendam
nostro arbitrio reservamus.
[VI] Item statuimus, mandamus et precipimus quod quelibet
universitas civitatum castrorum et villarum quilibet etiam comes
baro et dominus alicuius castri et roche vel ville stratas vel loca
singula in suo territorio et districtu diligenter custodire et faciat custodiri,
ita quod in eis rapine vel derobationes seu homicidia aliaque
maleficia nullatenus comittantur alioquin ad emendationem dampni
et robarie et ad tantumdem pro pena solvenda camere domini pape
teneatur; penam autem pro homicidiis et spoliationibus infringendam
eisdem nostro arbitrio reservamus, nisi malefactores infra octo dierum
spatium a tempore comissi facinoris nobis vel nostre Curie fuerint
assignati, et de robaria et spoliatione stetur sacramento derobati si
exqualitate et fide persone et quantitate rerum ablatarum et circumstanciis
negocii nobis seu nostre Curie videbitur expedire; et pro
predictis servandis a predictis habentibus loca iusta stratas ydonea
fideiussoria cautio exigetur.
[VII] Item precipimus et ordinamus quod locus ad quem aliqua
robaria duceretur vel malefactores se reducerent nostre iurisdictioni
subiectus teneatur ad restitutionem rerum aportatarum vel ductarum
ad ipsum locum per malefactores vel alios vel de extimatione, de
quibus stetur iuramento dampnum passi vel heredis, et ad tantumdem
Camare domini pape solvendum similiter teneatur.
[VIII] Item statuimus, precipimus et mandamus quod nulla civitas,
comunitas seu universitas, comes seu baro, seu aliquis alius
teneat, defendat vel receptet rebelles prodictores et publicos inimicos
Romane Ecclesie atque nostros latrones publicos et robatores stratarum
vel falsarios in rocha aut in domo sua seu aliena seu in alio
loco tribuat eis auxilium vel favorem; et qui contrafecerit, si Comune
civitatis in CC, comes et baro et Comune castri in C, nobilis in
XXV, villa in quinquaginta et pedes in decem marchis argenti puniatur
et nichilominus in destructione domus in qua fuerint recepti
|
|