Astensis Poeta: Novus Avianus

Pag 70


Huc, precor, invito, cum Musis, Phoebe, venito;
his me pro ludis vatibus adde tuis.
Phoebe, canendo lyra mea carmina saepe regira
plusque minusve metris deme vel adde meis.
Sic expurgatis vitiis dictamina vatis
sic bona fama vehat, mundus ut ipsa legat.
Arte mea fantur, licet illis verba negantur,
bos, lupus, ursa, caper, simia, pardus, aper;
exemplo quorum capias, homo, commoda morum
et sic devites quae nocitura vides.
Ne praesumatur, prima ratione vetatur,
quod nocet ut pestis, †mentita sit amphora testis. †
Te vitiis munda, perlecta parte secunda,
nec sint velle penes quae vitiosa tenes!
Ne quis fallatur, pars tertia tota legatur:
ne subito credat, tertia lecta vetat.

1



5




10




15
Torna all'inizio