"pastus". 40 I uero corripiunt ante tus quecumque preteritum in
u-i diuisas terminant. 41 Excipitur a presentibus in lo uel in u-o
diuisas, "cultus", "occultus", "consultus", "altus", "uultus", "pollutus",
"acutus", "satus", "tributus"; "erutus" tamen solum corripit
penultimam. 42 Excipitur etiam "sectus", "frictus", "nectus",
"intonata", "doctus", "tentus", "census", "raptus" et "comptus", et a
"cano" composita, "succentus"; excipitur etiam in rui et xui , ut
"desertus" et "nexus"; a "do" quoque composita i corripiunt ante
tus . 43 In ctus faciunt quecumque in xi preteritum finiunt, et in ci
uel in qui , uocali longa antecedente, et in gi , ut "traxi, tractus",
"uici, uictus", "reliqui, relictus", "legi, lectus"; excipitur "flexi,
flexus", fixus; "fluxus" non est participium. 44 In ptus faciunt que
in pi uel in psi uel in mi terminant preteritum, "ruptus",
"sumptus", "emptus"; "rapui" quoque "raptus" et ex eo composita.
|
|