18. Adversus presbyterum . Prospexit ergo Apostolus
quam facile adversus presbyteros accusationes
adnasci possunt, eo quod interdum increpant obnoxios
pro amissis deliciis.
19. LANFR. Tribus testibus , id est, nisi accusator
habeat duos aut tres testes criminis quod
contendit.
20. AUGUST. ( lib. De verb. Dom . serm. 16, cap. 7).
Peccantes . Ergo ipsa corripienda sunt coram omnibus,
quae peccantur coram omnibus; ipsa corripienda
sunt secretius, quae secretius peccantur.
21. LANFR. Communicaveris . Qui indignum ordinat,
peccatis ordinati et ipse communicat.
22. Te ipsum castum . Quasi diceret: qui indignos
juberis repellere, teipsum debes in vitae munditia
custodire.
23. Noli adhuc aquam . Quia castitatem servandam
praecepit, ne immoderatam abstinentiam vel augere,
vel tenere vellet, hoc subjungit. Vel quia infirmatus
fuerat, necdum ad plenum convaluerat. Vel ideo dicit,
adhuc cum juvenis sis, donec majoris sis aetatis.
24. AMBROS. Noli adhuc aquam bibere . Contemplatione
continentiae adhuc aquam bibebat, et quia
frequenter aliorum causa, talia agimus, ne videamur
indifferentes esse erga conversationem, bene
adjecit.
25. Quorumdam hominum . Vult dicere quia sicut
delinquentium hominum non recte intuentium delicta
manifestata sunt, quae illis in futuro saeculo poenas
sunt provisura, licet faciant aliqua quae multos
latere potuerunt; sic et de illis qui recte vivere
instituerunt, plurima quidem illorum manifestata
sunt hominibus. Sunt etiam multa quae lateant
multos; hoc enim significat dicens: et quae aliter se
habent, et abscondi non possunt . Utere vero vino
pro ipsa infirmitate, sciens et illa quae homines
conjiciunt, etsi recte vivamus, bona esse, plurima
|
|