19

exercitu in Lonbardia, et cum maiori parte Lonbardie ivit obsidere Mediolanam; scilicet
cum Papia et Cremona et Plagensa et Brescia, et earum districtus; unde Imperator nuntios
et legatos suos per totam Tusciam misit , ut ei adiutorium darent. Qua propter Pisani
miserunt, XV kal. Septembris, Pellarium Consulem, cum comite Gerardo et Hermanno filio
Paganelli et Curtevechia cum XV nobilibus militibus, melioribus civitatis, et cum edificiatoribus,
et cum C sagittariis et duobus sonatoribus foliaree, quos Imperator cum ingenti letitia
et gaudio recepit et tenuit. Unde Mediolanenses, hoc audientes, tristitiam et timorem magnum
habuerunt; et sic postea VIII idus Septembris Imperatori se reddiderunt cum fidelitate
magna, cum CCC obsidibus et decem milia marchis argenti, et VI idus Septembris, die
Sancte Marie, Imperator iuxta Mediolanam, ad arcum Romanum, cum Mediolanensibus, cum
honore et triumpho magno ibi se coronavit, unde omnes civitates Lonbardie in fidelitate ei
data conposuit. In eodem anno, in hieme, Mediolani et Brescia, Plagensa et Cremona, ab
imperatore Frederico discordaverunt.
A.D. MCLX. In estate, imperator Fredericus ad vastandum Mediolanam devenit, et
totum circa Mediolanam devastavit. Postea, in mense Augusto, cum Papia et cum aliis de
Lonbardia, per VI menses cum castellis ligneis et manganis et gattis, Cremam viriliter pugnando
obsedit; tandem, per conventum, salvis personis, VII kal. Februarii Imperatori se reddidit.
Imperator eam totam igne conbusit et destruxit; de quo triumpho tota Lonbardia
turbata est.
A.D. MCLX. In Dominica die palmarum, que fuit XIII kal. Aprelis, Guelfus dux
Spoleti, marchio Tuscie, venit apud Burgum Sancti Genesii; et ibi fuerunt Consules Pisani,
cum comite Gerardo et cum archiepiscopo Villano Pisane Ecclesie S. Marie; quem dux
super omnes episcopos et laicos Italie recepit, et consilio suo credidit; et fuerunt ibi Consules
Pistorienses et Senenses, et comes Guido tunc puer et Comes Ildebrandinus et Consules
Luc enses, Florentini, et Capitanei, et Varvassores multi, et ibi fecit magnum parlamentum,
et quesivit fidelitatem omnibus civitatibus et comitibus, et omnibus illis qui aliquod
de Marca detinebant. Comes Guido ei per suos fideles prius fidelitatem iuravit, deinde ceteri
comites et Senenses. Pisani vero et Pistorienses, Lucenses et Florentini invitaverunt eum
ut veniret ad civitatem, et pasca cum eis celebraret, et facerent ei securitatem sicut antecessorum