Non ventiles te in omnem ventum, et non eas in omni
via.
Verbum dulce multiplicat amicos et mitigat inimicos.
Multi pacifici sint tibi, et consiliarius sit tibi unus de
mille.
Amicus fidelis protectio fortis: qui autem invenit illum,
invenit thesaurum.
A iuventute tua excipe doctrinam, et usque ad canos
invenies sapientiam.
Non litiges cum homine potente, ne forte incidas in
manus illius.
Non spernas hominem in sue senecta; etenim ex nobis
senescunt.
Cum iracundo non facias rixam, et cum audaci non eas
in desertum.
Non omni homini cor tuum manifestes, nec cum fatuis
consilium habeas.
Ne derelinquas amicum antiquum: novus enim non erit
similis ei.
Noli despicere hominem iustum pauperem, et noli magnificare
virum peccatorem divitem.
Non agnoscitur in bonis amicus, et non absconditur in
malis inimicus.
Qui tetigerit picem inquinabitur ab ea: et qui communicaverit
superbo induet superbiam.
Bona est substantia cui non est peccatum in conscientia,
et nequissima paupertas impii.
Ante iudicium pare iustitiam tibi, et antequam loquaris
disce.
Memento paupertatis tempore abundantie et necessitatem
paupertatis in die divitiarum.
|
|